Wir habben uns ganz viel mit de Leid unnerhall unn unser Gäschd als g’frohd wasse alles so brauchen und gern hädden. Do druff hie konnde mer dann unser Ferienwohnung ach uff eh 3-Schderne-Nievoo ausrischde.
Ob eh modernes Smaard-Te-Vau odder eh subber eingerischdie Kisch, ess fehld ann nix – und viele annere Leischdunge sinn bei uns sowieso drinn. Eidschegge und sich uff Ohhieb wie dehääm fiehle, wass will merr mehr…
- Backohfe – ferr en leggere Kärscheplotzer oder im Herbschd en Zwiwwelkuche se bagge
- Zehrankochfeld – um zum Qweddschekuche ach eh leggerie Grummbersubb se koche
- Kiehlschrank mit Gefrierfach, damit de Neie Woi mol eh paar Dach frisch bleibt
- Kaffeemaschin mit Kaffee – denn ohne Kaffee gehd moins jo mol gar nix
- Mikrowelle – fer die wu kä Zeid habbe weil se nur im Wingert spaziere oder uff de Burge unnerwegs sinn
- Gscherrschbielmaschine – umm’s dreggische Gscherr wieder sauber zu mache
- Wasserkocher – zum uffgiese von gedriggeltem Laab von Teeplänzjer
- Gläser und Beschdeck – mer sinn zwar Pälzer aber essen nedd immer nur mit de Finger
- Kochtepp und Panne – groose und kleene Tebb oder Panne, alles do was mer so brauchd
- Gewärzze, Salz, Peffer – mer wärzen nedd alles mit Riesling, den dring’ge mer lieber dezu
- WLAN fer ummesunschd
- Smart-Tee-Vau mit Kabelfernsehe und ganz viel Sender
- Kerze zum ausrischde vunn emme romandische Kändelleihddinner
- Abstelldisch um die Riesling ach eh mol hiezustelle
- Ledersessel zum endspanne
- Couch um Owens die Fies hoch zu lesche
- großes Doppelbedd mit Beddwäsch
- Kleederschrank mit de Kleederbischel drin damit de Kroom nedd uff’n Berrm rumfliehd
- Rolllade zum dunkel mache fer die wu gut schlofe wolle
- Toileddepapier – weerdvoll, nedd bloos zu Corona-Zeide
- Föhn fer die Hoor se driggele
- Handdischer unn Duschhanddischer damid mehr nedd nass in de Wohnung rumrenne muss
