Nedd weid weg von de Wohnung gebds en Bäcker mit Weck unn en Metzjer fer frischie Worschd. Wammer e bisje weider laafd, stehense midde im Einkaufsgebied. Dort gebbs alles was se noch so gebrauche kenne. Enn Droggeriemarkt und annere Lewensmiddelgeschäfte. Verhungere dune se also bestimmt nedd. Wann mer mol Ranzerobbe (Hochdeutsch: Bauchschmerzen, allgemeine Unwohlsamkeit) hot, gebbs do ach e Apodeeg. Die habben ach Kobwehtablädde, wann des ledschde Glas Woi zu viel war.
In de Näh gebbds en kleene Sport-Fluchpladds, bei dem mer so mansches Flugmaneewer beschdaune kann. Im Fluchpladdslokal “Cockpit” legt mer die erschd Ruhepaus ein odder wisawie (Hochdeutsch; vom französischen vis-a-vis: gegenüber) ins “Gasthaus Almensee” midd seim Baadesee und em Cambbingpladds.
Mit em Bus iss mer ach ruck-zuck am Bahnhof vun Derkemm unn vunn derd gehds dann midem Zuch an alle nahegelegene Ausflugsziele um uns drummerumm.
Annere scheene Fleckscher rund um Derkemm iss die Kloschderruine Limburg, nadirlisch die Saline mit ihre guude salzische Lufd, de Teufelstisch in Annweiler und vieles annere.
Wenn Sie noch an ihrm Handikäbb arbeite misse, uff’m Golfpladds vunn Dackremm känne se ihrm Hobbie nochgehe und das klee Bällsche iwwer des Pladds jaache.
Geniesense e paar schääne Daa in de Palz – Annere sachen ach, dess wär die Toskana vunn Deidschland. Mehr saan: bei uns isses rischdisch schää, do will doch kenner freiwillisch ford.
